ہم نے سب شعر میں سنوارے تھے

1. ہم نے سب شعر میں سنوارے تھے ہم سے جتنے سخن تمہارے تھے

2. رنگ و خوشبو کے حسن و خوبی کے تم سے تھے جتنے استعارے تھے

3. تیرے قول و قرار سے پہلے اپنے کچھ اور بھی سہارے تھے

4. جب وہ لعل و گہر حساب کیے جو ترے غم نے دل پہ وارے تھے

5. میرے دامن میں آ گرے سارے جتنے طشت فلک میں تارے تھے

6. عمر جاوید کی دعا کرتے فیضؔ اتنے وہ کب ہمارے تھے

تصحیح بتائیں

فیض احمد فیض کا مزید کلام

تمام کلام

دل میں اب یوں ترے بھولے ہوئے غم آتے ہیں

پورا کلام پڑھیں

اک فرصت گناہ ملی وہ بھی چار دن

پورا شعر پڑھیں

ہم پرورش لوح و قلم کرتے رہیں گے

پورا شعر پڑھیں