عید كے دن بھی تنہا ہوں
میں پِھر بھی جی رہا ہوں
تیری عید خوشیوں بھری ہو
رب سے کرتا یہ دعا ہوں
اشکوں کا ساغر جو پی گیا
میں ایک ایسا دیا ہوں
مجھے اِس بات کا غم ہے
عید كے دن تم سے جدا ہوں
تم سے گلہ ہے نہ شکایت
اپنے مقدر سے خفا ہوں
غیروں میں ہیں جو شاد ، انہیں عید مبارک
جن کو نہیں ہم یاد ، انہیں عید مبارک
معصوم سے ارمانوں کی معصوم سی دُنیا
جو کر گئے برباد انہیں عید مبارک
نکلتا ہے کے آدھی رات روپوش رہتا ہے
ہمیں معلوم ہو کیسے کہہ اس کا مدعا کیا ہے
مناسب ہے یہی اب تو ہر اک عید سے پہلے
کمیٹی چاند سے پوچھے بتا تیری رضا کیا ہے
تم عید مناؤ سج دھج کے
میں جیسا ہوں ویسا ہی ہوں
جس حال میں ہوں میں جیسا ہوں
نہ پوچھ صنم اب کیسا ہوں
تم دل کا لگانا کیا جانو
تم اشک بہانا کیا جانو
تم نازک پھول ہو گلشن کے
تم آگ میں جلنا کیا جانو
یہ عمر ہے تیری ہنسنے کی
نہیں عشق میں آہیں بھرنے کی
میری قسمت میں ہیں درد صنم
سب سہہ لوں گا تقدیر کے غم
مجبور ملے جو الفت میں
سر آنکھوں پر ہیں سارے ستم
جب رب کو ہے منظور یہی
تو بسم اللہ ایسے ہی سہی
عید کا دن ہے آج تو گلے مل لے ناصر
رسمِ دُنیا بھی ہے موقع بھی ہے دستور بھی ہے
روٹھے ہوؤں کو منا لوں پِھر عید آ گئی ہے
ارماں نئے سجا لو پِھر عید آ گئی ہے
اس کی مہکی ہوئی یادوں کی صدا جاگ اٹھی
دور افق پر جو نظر آیا کبھی عید کا چاند
خوشیوں کی شام اور یادوں کا یہ سماں
اپنی پلکوں پہ ہرگز ستارے نہ لائیں گے
رکھنا سنبھال کر چند خوشیاں میرے لیے
میں لوٹ آؤں گا تو عید منائیں گے