رانجھا رانجھا کر دی ہن میں ، آپے رانجھا ہوئی
سدّو نی مینوں دھیدو رانجھا ، ہیر نہ آکھو کوئی
رانجھا میں وچ ، میں رانجھے وچ ، غیر خیال نہ کوئی
میں نہیں اوہ آپ ہے اپنی آپ کرے دل جوئی
جو کجھ ساڈے اندر وسّے ، ذات اساڈی سوئی
جس دے نال میں نیونہہ لگایا ، اوہو جیسی ہوئی
چٹی چادر لاہ سُٹ کُڑیے، پہن فقیراں لوئی
چٹی چادر داغ لگیسی، لوئی داغ نہ کوئی
تخت ہزارے لے چل بلھیا ، سیالِیں ملے نہ ڈھوئی
رانجھا رانجھا کر دی ہن میں ، آپے رانجھا ہوئی