بھولی ہوئی صدا ہوں مجھے یاد کیجیے

1. بھولی ہوئی صدا ہوں مجھے یاد کیجیے تم سے کہیں ملا ہوں مجھے یاد کیجیے

2. منزل نہیں ہوں خضر نہیں راہزن نہیں منزل کا راستہ ہوں مجھے یاد کیجیے

3. میری نگاہ شوق سے ہر گل ہے دیوتا میں عشق کا خدا ہوں مجھے یاد کیجیے

4. نغموں کی ابتدا تھی کبھی میرے نام سے اشکوں کی انتہا ہوں مجھے یاد کیجیے

5. گم صم کھڑی ہیں دونوں جہاں کی حقیقتیں میں ان سے کہہ رہا ہوں مجھے یاد کیجیے

6. ساغرؔ کسی کے حسن تغافل شعار کی بہکی ہوئی ادا ہوں مجھے یاد کیجیے

تصحیح بتائیں

ساغر صدیقی کا مزید کلام

تمام کلام

یہ جو دیوانے سے دو چار نظر آتے ہیں

پوری غزل پڑھیں

مسکراؤ بہار کے دن ہیں

پوری غزل پڑھیں

رنگ اڑنے لگا ہے پھولوں کا

پورا شعر پڑھیں