میں پا سکا نہ کبھی اِس خلش سے چھٹکارا

jeet-sakta-tha

میں پا سکا نہ کبھی اِس خلش سے چھٹکارا
وہ مجھ سے جیت بھی سکتا تھا جانے کیون ہارا

برس كے کھل گئے آنسو نتھر گئی ہے فضا
چمک رہا ہے سرِ شام دَرْد کا تارا

کسی کی آنکھ سے ٹپکا تھا اک امانت ہے
میری ہتھیلی پہ رکھا ہوا یہ انگارہ

جو پر سمیٹے تو اک شاخ بھی نہیں پائی
کھلے تھے پر تو مرا آسمان تھا سارا

وہ سانپ چھوڑ دے ڈسنا یہ میں بھی کہتا ہوں
مگر نہ چھوڑیں گے لوگ اِس کو گر نہ پھنکارا

تبصرہ کریں