122 اشعار · 36 شعرا
کہتے تو ہو یوں کہتے یوں کہتے جو وہ آتا یہ کہنے کی باتیں ہیں کچھ بھی نہ کہا جاتا
پِھر ان کی گلی میں جائے گا ، پِھر سہو کا سجدہ کر لے گا اِس دل پر بھروسہ کون کرے ہر روز مسلماں ہوتا ہے
اقرار میں کہاں ہے انکار کی سی صورت ہوتا ہے شوق غالب اس کی نہیں نہیں پر
آئینہ دیکھ ذرا کیا میں غلط کہتا ہوں تو نے خود سے بھی کوئی بات چھپا رکھی ہے
کل چودھویں کی رات تھی شب بھر رہا چرچا ترا کچھ نے کہا یہ چاند ہے کچھ نے کہا چہرا ترا
نہ جانے کون سی منزل پہ آ پہنچا ہے پیار اپنا نہ ہم کو اعتبار اپنا نہ ان کو اعتبار اپنا
تمہیں جب روبرو دیکھا کریں گے یہ سوچا ہے بہت سوچا کریں گے
رواج تو یہی ہے دنیا کا مل جانا بچھڑ جانا تم سے یہ کیسا رشتہ ہے نہ ملتے ہو نہ بچھڑتے ہو
ہمارے بعد نہیں آئے گا اسے چاہت کا ایسا مزہ وہ اوروں سے خود کہتا پھرے گا مجھے چاہو اس کی طرح
اسے تراشا کے ہیرا بنا دیا ہم نے فراز مگر اب یہ سوچتے ہیں اسے خریدیں کیسے
گر بازی عشق کی بازی ہے جو چاہو لگا دو ڈر کیسا گر جیت گئے تو کیا کہنا ہارے بھی تو بازی مات نہیں
جڑتے ہوئے دیکھا نہیں ٹوٹے ہوئے دِل کو گر جائیں جو آنسو تو اٹھائے نہیں جاتے
جفا جو عشق میں ہوتی ہے وہ جفا ہی نہیں ستم نہ ہو تو محبت میں کچھ مزہ ہی نہیں
آپ دولت کے ترازو میں دلوں کو تولیں ہم محبت سے محبت کا صلہ دیتے ہیں
فقط اِس شوق میں پوچھی ہے ہزاروں باتیں میں ترا حسن تیرے حسنِ بیاں تک دیکھوں
اس نے کہا تھا عشق ڈھونگ ہے میں نے کہاتجھے عشق ہو خدا کرے کوئی تجھ کو اس سے جدا کرے تیرے ہونٹ ہنسنا بھول جائیں تیری آنکھیں پرنم رہا کریں تو اس کی باتیں سنا کرے تو اس کی باتیں کیا کرے
ہَم نے تو خود سے انتقام لیا تم نے کیا سوچ کر محبت کی
مت کہو مجھے اظہار محبت زُبان سے بیان کرنے کو سنا ہے زمانے سے كے ہوتے ہیں کان دیواروں كے بھی ہونے دو یہ قصہ بیان آنکھوں سے سحر كہ یہ کر دیتی ہیں ہر بات خاموشی میں بھی
نکال دو سینے سے کمبخت ہے یہ دِل محبت ، محبت ، محبت لگا رکھی ہے
جو میرا ہے میں کسی اور کو کیوں دوں میں اپنی محبت میں بچوں کی طرح ہوں
122 میں سے 100 دکھائے جا رہے ہیں
