122 اشعار · 36 شعرا
جیسی اب ہے ایسی حالت میں نہیں رہ سکتا میں ہمیشہ تو محبت میں نہیں رہ سکتا
حقیقت کھل گئی حسرتؔ ترے ترک محبت کی تجھے تو اب وہ پہلے سے بھی بڑھ کر یاد آتے ہیں
کاش ہر رات اک ہی منظر ہو چاند، پربت، یہ جھیل میں اور تم
غمزہ نہیں ہوتا کہ اشارا نہیں ہوتا آنکھ ان سے جو ملتی ہے تو کیا کیا نہیں ہوتا
پاگل پن کی ساری لکیریں میرے ہاتھ میں کیوں جس کو چاہوں ، میں ہی چاہوں ، میں ہی چاہوں کیوں
غم کی بارش نے تیرے نقش کو دھویا نہیں تو نے مجھے کھو دیا میں نے تجھے کھویا نہیں
ابتدا وہ تھی کہ جینا تھا محبت میں محال انتہا یہ ہے کہ اب مرنا بھی مشکل ہو گیا
اک عمر کٹ گئی لیکن بچپنا نہیں جاتا ہم دیے جلاتے ہیں آج بھی تیری آہٹ پر
چل رہے ہیں زمانے میں رشوتوں كے سلسلے تم بھی کچھ لے دے کے مجھ سے محبت کر لو
میں نے صدیوں گزارنا ہے تجھے تو میرا آخری زمانہ ہے
مصروفیت میں آتی ہے بے حد تمہاری یاد فرصت میں تیری یاد سے فرصت نہیں ملتی
ہم جس پہ مر رہے ہیں وہ ہے بات ہے کچھ اور عالم میں تجھ سے لاکھ سہی تو مگر کہاں
یوں بھی ہزاروں لاکھوں میں تم انتخاب ہو پورا کرو سوال تو پھر لا جواب ہو
ہم کیا کریں اگر نہ تری آرزو کریں دنیا میں اور بھی کوئی تیرے سوا ہے کیا
تجھ کو خبر نہیں مگر اک ساده لوح کو برباد کر دیا تیرے دو دن كے پیار نے
تم مجھے اچھی لگتی ہو بس تم مجھے اچھی لگتی ہو!تم اتنی سُندر ہو کہ نہیں تمہیں اک نظر جو دیکھے وہسُدھ بُدھ بھولے، مدہوش رہے بس تم مجھے اچھی لگتی ہو!
اپنی تباہیوں کا مجھے کوئی غم نہیں تم نے کسی کے ساتھ محبت نبھا تو دی
تیرے خیال میں جب بے خیال ہوتا ہوں ذرا سی دیر ہی سہی بے مثال ہوتا ہوں
جو تو نہیں ہے تو یہ مکمل نہ ہو سکیں گی تری یہی اہمیت ہے میری کہانیوں میں
دل ہی تو ہے نہ آئے کیوں دم ہی تو ہے نہ جائے کیوں ہم کو خدا جو صبر دے تجھ سا حسیں بنائے کیوں
122 میں سے 80 دکھائے جا رہے ہیں
