Skip to content
SadPoetry
EN
Awam bhook se dekho nidhaal hai ke nahi? — Rasheed Hasrat

Awam bhook se dekho

Rasheed Hasrat 11 couplets
  1. Awam bhook se dekho nidhaal hai ke nahi? Har aik chehray se zahir malaal hai ke nahi?

  2. Tamam cheezon ki qeemat barhai jati rahi Ghareeb maarny ki iss mein chaal hai ke nahi?

  3. Pahonch se pehlay hi bahar tha aish ka saman Fallak ke paas abhi aatta, daal hai ke nahi?

  4. Jo barq-e mehngi batata bِlon ko pharta tha Kُchh apne ehad mein iss ka khayaal hai ke nahi?

  5. Hamaray jism se nocha hai gosht, khoo choosa Abhi yeh dekhnay aaya hai khaal hai ke nahi?

  6. Woh jiss ke ehad mein maa baap beech den bachay Tumhe kaho ke yeh wajh-e wabaal hai ke nahi?

  7. Ththr ke sard ilaqon mein mar rahay hain log Zuba se phuto tumhe kُchh majaal hai ke nahi?

  8. Kiya tha ehad bahaali ka, cheen li roti Ghareeb ke liye jeena muhaal hai ke nahi?

  9. Namona samnay rakhtay hain hum khaleefo ka Tumahray samnay koi misaal hai ke nahi?

  10. Dukhaay baagh harey hum ghareeb logon ko Awam pehlay se maskhdoosh haal hai ke nahi?

  11. Ameer-e shehar ne ankhen rakhi hain band rasheed Wagerna chehra tamanchon se laal hai ke nahi?

Submitted by Rasheed Hasrat

Report a mistake

More by Rasheed Hasrat

All poems