4 Line Poetry | SadPoetry.org

Laga kar aag shehr ko

Laga kar aag shehr ko ye badshah ne kaha
Utha hai dil main tamashe ka aaj shoq bohat
Jhuka kar sar ko sabhi shah parast bol uthay
Huzoor ka shoq salamat rahy, shehr aur bohat

Zammana jab se jadeed ho gya hai

Zammana jab se jadeed ho gya hai
Dilon main gham bhi shadeed ho gya hai
Zamana bohat taraqi kar chuka hai lekin
Bhok ka dar bhi mazeed ho gya hai

Aik dafa mere qadam se qadam

Aik dafa mere qadam se qadam mila ka chalo
Tum zara do ghari sath tu nibha ke chalo

Mana safar kathan aur rasta bohat dushwaar hai
Hath tham lo, mujh py yaqeen bna ke chalo

Na kar bandya meri meri

Na kar bandya meri meri
Na teri na meri
Char dina da mela
Dunya pher matti de dheri

Chaand So Gaya

Kal shab kisi ki yaad ki shiddat thi is qader
Ke khanjar faraaq se dil chaak ho gaya
Ik waqt woh bhi aaya shab-e intezaar mein
Mein jaagta hi reh gaya aur chaand so gaya

Dil mein sukoon ka

Dil mein sukoon ka nam-o-nishan khatam hua
Yeh intezaar khtm hua tera sath khatam hua
Dard ka yeh silsila khatam hua
Mein khatam hua tera naam khatam hua