Woh mera dost mere haal se aagah to ho
Na sahi sach mein magar khawab mein hamrah to ho
Kuch assar unn pay mere aah o faghan ka yaaro
Ho nah ho, phir bhi mere lab pay koi aah to ho
Kab kaha mein ne talluq woh purana ho bahaal
Bas dikhavy ko faqat tum se koi raah to ho
Jo mohabbat mein wafaon ko tadapta chhorey
Phir tarasta hi rahay, pehlay ussay chaah to ho
Mein ne kab uss ki mohabbat ka kiya hai ankaar ?
Uss taraf jata koi rasta ho, raah to ho
Tursh lehjey pay kabhi ghhor kiya hai tum ne
Garam joshi nah sahi dil mein magar jah to ho
Kya hoa chaand agar apne tasarruf mein nahi
Shak nahi iss mein mere wastay tum mah to ho
Aaj kuch aisa ada karna parre ga kirdaar
Ho nah ho kuch bhi magar dost khud aagah to ho
Yeh wohi khanah bdoshon ka qabeela hai rasheed
Deera daaley ga, wahan koi charagah to ho
