Sitaron Se Aage Jahan Aur Bi Hain

Sitaron Se Aage Jahan Aur Bi Hain
Abi Ishq Ke Imtihan Aur Bi Hain

Tahi Zindagi Se Nahi Ye Fazain
Yahan Sainkron Imtihan Aur Bi Hain

Qanayat Na Kar Aalm-e Rang-o Bo Par
Chaman Aur Bi Aashyan Aur Bi Hain

Agar Kho Gya Ik Nasheman Tu Kya Gham
Muqamat-e Aah O Faghan Aur Bi Hain

Tu Shaheen Hai Parwaz Hai Kaam Tera
Tere Samne Asman Aur Bi Hain

Isi Roz O Shab Main Ulaj Kar Na Reh Ja
Ke Tere Zaman-o Makan Aur Bi Hain

Gye Din Ke Tanha Tha Mai Anjuman Mein
Yahan Ab Mere Raazdan Aur Bi Hain

  •  
  •  

Qaid-e-maqaam Se Guzar

Tu Abhi Rahguzar Mein Hai Qaid-e-maqaam Se Guzar
Misr O Hijaz Se Guzar Paaras O Shaam Se Guzar

Jis Kaa Amal Hai Be-garaz Us Ki Jazaa Kuch Aur Hai
Huur O Khiyaam Se Guzar Baada-o-jaam Se Guzar

Garche Hai Dil-kushaa Bahut Husn-e-farang Ki Bahaar
Taa’eak-e-buland-baal Daana-o-daam Se Guzar

Koh-shigaaf Teri Zarb Tujh Se Kushaad-e-sharq-o-garb
Tegh-e-hilal Ki Tarah Aish-e-niyaam Se Guzar

Tera Imam Be-huzur Teri Namaaz Be-surur
Aisi Namaz Se Guzar Aise Imaam Se Guzar

Submitted By: Rekhta

  •  
  •  

Kuch Bi Nahi By Allama Iqbal

Zindagi Insan Ki Ik Dam Ke Siwa Kuch Bi Nahi
Dam Hawa Ki Moj Hai, Ram Ke Siwa Kuch Bi Nahi

Gul, Tabasm Keh Raha Tha Zindagani Ko Mgar
Shama Boli, Garya-e Gham Ke Siwa Kuch Bi Nahi

Raaz-e Hasti Raaz Hai Jab Tak Koi Mehram Na Ho
Khul Gya Jis Dam To Mehram Ke Siwa Kuch Bi Nahi

Zayreen-e Kaaba Se Iqbal Ye Pochye
Kia Haram Ka Tuhfa Zamzam Ke Siwa Kuch Bi Nahi?

  •  
  •