Archive for the ‘Ahmad Faraz Shayari’ Category

We offer the best collection of Ahmed Faraz poetry. Read faraz shayari about love, mohabat, urdu ghazals, nazam and inspirational poetry.

ahmad faraz ghazal

Har Koi Dil Ki Hatheli Pe Hai Sehra Rakhe
Kis Ko Serab Kare Wo Kise Pyasa Rakhe
Umar Bhar Kon Nibahta Hai Taluq Itna
Ae Meri Jaan Ke Dushman Tuje Allah Rakhe
Ham Ko Acha Nahi Lagta Koi Ham Naam Tera
Koi Tuj Sa Ho Tu Phir Naam Bhi Tuj Sa Rakhe
Dil Bhi Pagal Hai Ke Us Shakhs Se Wabasta Hai
Kisi Aur Ka Hone Na De Na Apna Rakhe
Hans Na Itna Bhi Faqeron Ke Akele Pan Par
Ja, Khuda Meri Tarah Tuj Ko Bhi Tanha Rakhe
Ye Qinayat Ye Itayat Hai Ke Chahat Hai Faraz
Ham Tu Razi Hai Wo Jis Haal Mein Jesa Rakhe

Poet: Ahmed Faraz

ahmed faraz poetry

Shayad Tu Kabi Pyasa Meri Tarf Lot Aye Faraz

Aankhon Mein Liye Phirta Hon Darya Teri Khatir

ahmad faraz poetry

Awaz De Ke Chup Gayi Har Bar Zindagi

Ham Aese Sada Dil They Ke Har Baar Aa Gaye

faraz-poetry

Dolat-e Dard Do Dunya Se Chupa Kar Rakhna

Aankh Mein Boond Na Ho Dil Mein Samandar Rakhna

faraz ghazal

Dil To Wo Barg-e Khazan Hai K Hawa Le Jaye
Gham Wo Aandhi Hai Ke Sehra Bi Ura Le Jaye
Kon Laya Teri Mehfil Mein Hamain Hosh Nahi
Koi Aye Teri Mehfil Se Utha Le Jaye
Read the rest of this entry »

faraz-poetry-123

Ab To Hamain Bi Tark-e Mrasam Ka Dukh Nahi
Par Dil Ye Chahta Hai Ke Aaghaz Tu Kare

Us Ko Juda Hoye Bhi Zamana Bohat Hua
Ab Kyaa Kahen Ye Qissa Purana Bohat Hua

Dhalti Na Thi Kisi Bhi Jatan Se Shab-e-firaq
Ai Marg-e-na-gahan Tera Aana Bohat Hua

Ham Khuld Se Nikal To Gaye Hain Par Ai Khuda
Itne Se Vaqiye Ka Fasana Bohat Hua

Ab Ham Hain Aur Sare Zamane Ki Dushmani
Us Se Zara Sa Rabt Barhana Bohat Hua

Ab Kyun Na Zindagi Pe Mohabat Ko Vaar Dain
Is Ashiqi Mein Jaan Se Jana Bohat Hua

Ab Tak To Dil Ka Dil Se Ta’aaruf Na Ho Saka
Mana Ki Us Se Milna Milana Bohat Hua

Kya Kya Na Ham Kharaab Hoye Hain Magar Ye Dil
Ai Yaad-e-yaar Teraa Thikaana Bohat Hua

Kahta Tha Naasehon Se Mere Munh Na Aaiyo
Phir Kyaa Thaa Ek Huu Kaa Bahaana Bahut Hua

Lo Phir Tire Labon Pe Usii Bewafa Ka Zikr
Ahmad ‘faraz’ Tujh Se Kahaa Na Bohat Hua

Submitted By: Rekhta

faraz-udas-poetry

Muje Se Kehti Hai Tere Sath Raho Gi Faraz
Bohat Pyar Karti Hai Muj Se Udasi Meri



Page 1 of 6123...Last »
Close
Alternate Login Page
Submit Poetry