Teri zaat ki tanseeb lazim hai

lazim hai 2

Mere paiker mein teri zaat ki tanseeb lazim hai
Bohat bikhra howa hon mein, aur ab tarteeb lazim hai

Ajab waadi hai wehshat ki, atti‬ hai dhool nafrat ki
Ghar ko ghar bananay ko, nai tarkeeb lazim hai

Madhur se ragni ghaein, chalo ke jaam chalkyaen
Mere ghar mein ho aaye tum, koi taqreeb lazim hai

Jahan par chaar zehnon mein, bhara shar ho, kudorat ho
To ho la-haq qabeeley ko, koi takhreeb lazim hai

Meri barham mizaji ka, nahi matlab mein aisa hon
Wahan mein jhukk ke milta hon, jahan tahazeeb lazim hai

Karo taqseem tum haawi, sada kher o mohabbat hi
Ke ab iss doori nafrat mein, yahi targheeb lazim hai

Subscribe
Notify of
guest
1 Comment
Newest
Oldest Most Voted
Inline Feedbacks
View all comments