Salamat chahtay ho dil to itni baat mano gey

rasheed hasrat ghazal

Salamat chahtay ho dil to itni baat mano gey
Tumhe lena parre jo faisla woh zahn se lo gey

Pata kya waqt kaisa khail khailay, hum bhichar jayen
Kahan hon ge najane hum, najane tum kahan ho gey

Mohabbat kaam kya aati, hamara haal to dekho
Isi ka moujza keh lo huay hum hain maran jogy

Luta dun tum pay apni saari khusihyan zindagani bhi
Chalo yeh tay hoa, itna kaho badlay mein kya do gey

Kisi uljhi hui ruut ka koi bhatka hoa saya
Para jo raah mein to chain apna tum ganwao gey

Chalo tasleem karte hain lagao ge shikayat bhi
Magar itna kahoon ( ilzaam kya rakhna hai? ) socho gey

Suna hai kuch dinon tak pyar ki raahat mayasar hai
Phir us ke baad hasrat jee faqat raton mein jago gey

Subscribe
Notify of
guest
0 Comments
Inline Feedbacks
View all comments