Skip to content
SadPoetry
EN
Najane mujh se kya pocha gaya tha — Rasheed Hasrat

Najane mujh se kya pocha gaya tha

Rasheed Hasrat Ghazal 9 couplets
  1. Najane mujh se kya pocha gaya tha Magar lab par tera naam aa gaya tha

  2. Muheet ik umar par hai faasla woh Meri jaan beech jo rakha gaya tha

  3. Suno sar panch ka yeh faisla bhi Woh mujrim hai jisay loota gaya tha

  4. Bithaya sir pay logon ne mujhe bhi Libaas fakhira pehna gaya tha

  5. Usay rukh yun bdalty dekh kar mein Chupa jo mudda tha pa gaya tha

  6. Nahi jana tha mujh ko us nagar ko Kisi ka hukm aaya tha, gaya tha

  7. Faqat kuch din guzaray sukh mein mein ne Phir us ke baad baadal chaa gaya tha

  8. Nahi woh shakhs to ab jana kaisa Jahan mein muddaton aaya gaya tha

  9. Rasheed us ne hi suli par charhaya Jo bacha gham ka ik paala gaya tha

Submitted by Rasheed Hasrat

Report a mistake

More by Rasheed Hasrat

All poems