Paon Ki Dhol Ko Dastar Se Larna Ho Ga

mohsan aftab ghazal

Paon Ki Dhol Ko Dastar Se Larna Ho Ga
Ab Ghreebon Ko Bhi Zardar Se Larna Ho Ga

Jang Tu Jeet Gya Hon Mein Jahan Walon Se
Ab Mujhe Apny Hi Ghar Bar Se Larna Ho Ga

Gar Basani Hai Mohabar Ki Nai Dunya Tu
Ae Dewano Tumhen Sansar Se Larna Ho Ga

Kya Khabar Thi Ke Ghari Bhar Ke Sukoon Ki Khatir
Dhop Mein Saya-e Dewar Se Larna Ho Ga

Maat Khayen Gey Jo Medanon Se Hatey Gey Pechay
Ab Hamain Jazba-e Esar Se Larna Ho Ga

Ham Ne Aapas Mein Larai Tu Bohat Kar Li Hai
Ab Hamain Mulak Ke Ghaddar Se Larna Ho Ga

Jang Dushmano Se Nahi Apny Laho Se Ho Tu
Teer O Talwar Nahi Pyar Se Larna Ho Ga

Roh Ko Jim Se Azaad Agar Hona Hai
Har Ghari Sansoon Ki Talwar Se Larna Ho Ga

Submitted By: Mohsin Aftab Kelapuri

Leave a comment: