Kuch karna chaho to darna warna kaisa
Yaqeen ka bas ik diya jalana parta hai
Ik sifar laganay se cheezon ki qeemat bhi barh jati hai
Apni qeemat badhaane ko bhi sifar lagana parta hai
Insanon sa dikhne wala har ik to insaan nahi
Insaa samjhay jane ko ehsas jagana parta hai
Mushkil manzil dekh ke ghar ko wapas nahi mura karte
Jitni bhi raftaar ho lekin qadam uthana parta hai
Jevan mein sab acha ho, yeh to na mumkin hai yaar
Sooraj ko charhne se pehlay doob ke aana parta hai
