Cigarette ke dhuwen mein khans raha tha main
Apne aap ko dhondtay hue haanp raha tha main
Sochte sochte dimagh mera band honay hi laga tha
Haalat ko apni dekh kar kanp rha tha mein
Ouron ke aib dekhnay mein ik umar guzri thi
Ab apne garibaan mein khud jhaank raha tha main
Jisay zindagi se jane ka khud mein ne hi kaha tha
Aaj isi humnawa ka rasta taak raha tha main
Apni guzri hui zindagi par jab nazar aik daali
Tab apni hi nazron mein khaak raha tha main
