Sajata Bhi Mujhy Hai

1. Naz us ke uthata hoon rulaata bhi mujhe hai Zulfon mein sulaata bhi, jagaata bhi mujhe hai

2. Aata hai bohat uss pay mujhe gussa bhi lekin Pyar uss pay kabhi toot ke aata bhi mujhe hai

3. Dar pay hai meri jaan ke, jo peechay para hai Woh dushman jaan dostoo bhaata bhi mujhe hai

4. Anjaan bana rehta hai, bezaar dikhe, par Wehshat mein, woh tanhai mein paata bhi mujhe hai

5. Gir aaye jfaa karne pay, tauba meri tauba Woh qissay wafaon ke sunataa bhi mujhe hai

6. Jannat ki koi sair karata hai rafeeqo Dozakh mein magar khech ke lata bhi mujhe hai

7. Mein uss ki dua ban ke machalta hoon labon par Din raat woh honton pay sajata bhi mujhe hai

8. Jo asp samjhta hai lagamo ko pakar kar Phir shakhs wohi aerh lagaata bhi mujhe hai

9. Woh jeet ki asnad mere naam laga kar Khanjar se koi ghaao lagaata bhi mujhe hai

10. Aata hai mere ghar ko sajanay ke liye bhi Jab neend khuly chore ke jata bhi mujhe hai

11. Pehlay to bulaataa hai barray shoq se hasrat Phir dant ke mehfil se uthata bhi mujhe hai

Report a mistake

More by Rasheed Hasrat

All poems

Najane mujh se kya pocha gaya tha

Read full ghazal

Hain shair tere shusta, lab o lehja haseen hai

Read full ghazal

Bura tha ya bhala jaisa bhi tha rakha gaya tha

Read full ghazal