Skip to content
SadPoetry
EN
Bas rahay hain is nagar mein jinn o insaan aik sath — Rasheed Hasrat

Jinn o insaan aik sath

Rasheed Hasrat Ghazal 9 couplets
  1. Bas rahay hain is nagar mein jinn o insaan aik sath Yeh riwayat chal pari hai zulm o ihsaas aik sath

  2. Ab tawaqqa hum se rakhna kher khawahi ki abas Hum ne saaray toar daaley ehad o paimaan aik sath

  3. Chhaa gayi hai zindagi par ab to fasal ranj o gham Jheltay hain zakham dauraa, qaid zandan aik sath

  4. Bil yaqeen hon ge muyassar, thay naseeboon mein agar Jaam o maina aur yaaro bazm-e randaan aik sath

  5. Unglio par log misrey maapty rehtay hain kya Faalan ya faailytan sab pareshaa aik sath

  6. Kuch ghalat karne ko thay lekin khuda ka fazl hai Ghar ko lautay saaye do ho kar pasheman aik sath

  7. Ik taraf to paon ki zanjeer ban kar reh gayi Doosray dil ko dasay zulf paresha aik sath

  8. Kya maza hai zindagi ka jab talak la-haq nahi Fikar dauraa aur thori fikr-e janan aik sath

  9. Laaj se hasrat tumhe kuch vaastaa hai ya nahi Kya rakho ge dil mein ab asnaam o aymaan aik sath ?

Submitted by Rasheed Hasrat

Report a mistake

More by Rasheed Hasrat

All poems