The ghazal
Read it in Urdu script-
Husn o doulat hain aarzi aakhir Khaak honi hai dilkashi aakhir
-
Naam, mansab, urooj, shohrat bhi Sab yeh hotay hain mousmi aakhir
-
Kyun ranjida ho unkay jane par Panchhi hotay hain hijarti aakhir
-
Aik jugno mera hum nafs bana Chaatt gayi saari tayragi aakhir
-
Talkh goyon ki haar lazim thi Mein ne sadhi thi khamshi aakhir
-
Shaam mujh se udhaar mangi hai Tum bhi niklay ho matlabi aakhir
-
Aah dil par bhi log wah bolein Kaisi aafat hai shairi aakhir ?
Poet Tariq Iqbal Haavi
Submitted by Tariq Iqbal Haavi
