Bta to di hai magar

rasheed hasrat shayari

Bta to di hai magar zeisat baar jaisi thi
Tamam umar meri intezaar jaisi thi

Hayaat kya thi, faqat inteshaar mein guzri
Gahe thi zakham si gaahay qarar jaisi thi

Mila hoa meri chaye mein raat kuchh to tha
Ke shab gaye meri haalat khumar jaisi thi

Tumhari yaad ki khushbu ke dairon mein raha
Agarchay zard rahi, par bahhar jaisi thi

Tumahray hijr ke mausam mein, kya kahoon haalat
Kabhi ujaar, kabhi to singhar jaisi thi

Rahi hai gird mere halqa apna tang kiye
Hayaat jaisay kisi ik hisaar jaisi thi

Woh raat jis se mein shab bhar lapat ke rota raha
Rasheed shab thi magar ghamgusaar jaisi thi

Rasheed Hasrat

Subscribe
Notify of
guest
0 Comments
Inline Feedbacks
View all comments