Gaya jahan se adna ya koi aala gaya
Kisi ka gham bhi kahan der tak sanbhala gaya
Saleeqa is mein mujhe ik zara dikhe to sahi
Kaha jo kaam hamesha woh kal pay taalla gaya
Qasoor ho ga tumhara bhi kuch nah kuch gudiya
Sabab to hai jo tumhe ghar se yun nikala gaya
Pujari maal ke aisay ke jaisay malaa ho
Jahan bhi chaand gaya sath uss ka haala gaya
Kaha tha mein ne ke ghar se utaar lo jala
Makan mein ab hai andhera woh sab ujala gaya
Tarap, judai, mohabbat, jamal, zebaaie
Najane kon se sanchon mein dil ko dhala gaya
Rasheed kaahe ki yeh panja aazmai hai ?
Kabhi singhar se dekha ke rang kala gaya ?
Poet: Rasheed Hasrat