Banay phirtay hain woh fankar logo
Azal se jo rahay makkar, logo
Koi kam zarf dekhlaye haqeeqat
Har ik ja, har ghari har baar logo
Huay hain ehley koofa ke muqallad
Hamaray aaj kal ke yaar logo
Rakho yeh yaad jayen bad duayen
Bana toke ufq ke paar logo
Maffi sir ke bil jo aa ke mangay
Karoon ga mar ke bhi inkaar logo
Akarr kar pِhr raha ohday pay shaed
Rahay ga dein faqat do chaar logo
Khata thi, di ussay touqeer hum ne
Jo tha tazleel ka haqdaar logo
Koi ahsaa faramoshi ki had hai
Woh apne haath ka shahkaar logo
Yahan ikhlaas hasrat jurm thehray
Ajab duniya, ajab sansar logo
