آپ ہی کی ذات ہے ۔ نعت

Khuda-Ke-Baad-Naat

خدا کے بعد برتر، آپ ہی کی، ذات ہے آقا ﷺ
میں کیا لِکھوں، نہ لِکھنے کی، میری اوقات ہے آقا ﷺ

درود آپ پر بھیجوں، تو سب، بِگڑا سنورتا ہے
آپ ہی کی نسبت سے، بنے ہر بات ہے آقا ﷺ

تخلیقِ جہاں جو ہے، یہ سب ہے، آپ کی خاطر
آپ کے نام کا صدقہ، یہ کائنات ہے آقا ﷺ

ہو نظرِ کرم آقا، میں دیکھوں، گُنبدِ خضریٰ
مجھ بے بس، کے بس کی، کہاں یہ بات ہے آقا ﷺ

میری ہر سانس میں شامل، ہے ذکرِ مصطفٰی کرنا
یہی توصیف محشر میں، میری نجات ہے آقا ﷺ

یہی حسرت ہے حاوی کی، شفاعت میں رہوں شامل
قبول آپ فرما لیں، جو میری نعت ہے آقا ﷺ

(طارق اقبال حاوی)

Subscribe
Notify of
guest
0 Comments
Inline Feedbacks
تمام تبصرے دیکھیں