ادا جعفری کی شاعری، اردو غزلیں اور نظمیں

خامشی سے ہوئی فغاں سے ہوئی

خامشی سے ہوئی فغاں سے ہوئی
ابتدا رنج کی کہاں سے ہوئی

ایک آئینہ رو بہ رو ہے ابھی
اس کی خوشبو سے گفتگو ہے ابھی

آ دیکھ کہ میرے آنسوؤں میں
یہ کس کا جمال آ گیا ہے

بڑے تاباں بڑے روشن ستارے ٹوٹ جاتے ہیں
سحر کی راہ تکنا تا سحر آساں نہیں ہوتا

جس کی باتوں کے فسانے لکھے
اس نے تو کچھ نہ کہا تھا شاید

ہونٹوں پہ کبھی ان کے مرا نام ہی آئے
آئے تو سہی بر سر الزام ہی آئے

حیران ہیں لب بستہ ہیں دلگیر ہیں غنچے
خوشبو کی زبانی ترا پیغام ہی آئے

ہونٹوں پہ کبھی ان کے مرا نام ہی آئے
آئے تو سہی بر سر الزام ہی آئے

ہاتھ کانٹوں سے کر لیے زخمی
پھول بالوں میں اک سجانے کو