Badlay hue halaat se dar jata hon aksar
Sheeraza millat hon, bikhar jata hon aksar
Mein aisa safena hon ke saahil ki sada par
Tufaan ke seenay mein utar jata hon aksar
Mein mout ko paata hon kabhi zair-e kaf-e pa
Hasti ke guma se bhi guzar jata hon aksar
Marnay ki ghari aaye to mein zeist ka taalib
Jeeney ka taqaza ho to mar jata hon aksar
Rehta hon akela mein bhari duniya mein wasif
Le naam mra koi to dar jata hon aksar