Zindagi Sang-E Dar-E Yaar Se Aage Na Barhi

wasif ghazal shayari

Zindagi Sang-E Dar-E Yaar Se Aage Na Barhi
Aashqui Matla-E Dedaar Se Aage Na Barhi

Tergi Kesoye Khamdar Se Aage Na Barhi
Roshni Tabish-E Rukhsaar Se Aage Na Barhi

Dilbari Ronaq-E Bazaar Se Aage Na Barhi
Sadgi Hasrat-E Azhar Se Aage Na Barhi

Khud Faramosh Tere Arsh Ko Chu Kar Aaye
Khwajgi Jubba O Dastar Se Aage Na Barhi

Bas Mein Hota Tu Teri Bazm Sajate Ham Bhi
Be Basi Saya Dewaar Se Aage Na Barhi

Jalwa-E Zaat Se Aage Thi Faqat Zaat Hi Zaat
Bandagi Raqs-E Sardar Se Aage Na Barhi

Be Khudi Dasht-O Bayaban Se Wara Hai Wasif
Aagahi Wadi-E Purkhar Se Aage Na Barhi

Leave a comment: