The poem
Read it in Urdu script-
Ae bachpan tujhe yaad hai Tera woh yun rotay rotay muskura dena tujhe yaad hai
-
Kaisay karoon mein bayan tujh ko To ik hussain pal kaisay maamoor hua tujhe yaad hai
-
Hoti agar khwahish to pa lainay ka jazbah Phir woh khushi se muyassar ya zid tujhe yaad hai
-
To itna haseen, sir se qadam talak jhalak mein To itna khamosh jisay andesha zawaal nah tha tujhe yaad hai
-
Asshk! Asshk aankhon mein kab ayen koy khabar nahi Dil se kab rukhsat hoy koy khawashih tujhe yaad hai
-
Aesa chehra par noor tha goya shama thi roshan Rutba husn mein shams o qamar se baala tar tujhe yaad hai
-
Gham ki koy zabaan nah thi Jaisay zakhamo ka koy pemana nah tha tujhe yaad hai
-
Woh barish mein kaghaz ki kashti banana, dabona Tumhari khushi phoolay nah samati tujhe yaad hai
-
Kitna nadaan o masoom tha to Kaisay gul se khaar sun-hwa tujhe yaad hai
-
Tha apna hua paraya dekh ae bachpan Kaisay chenna tujh se tera bachpan tujhe yaad hai
-
Khawab tha ya khayaal tha Kaisay aankhon se oojhal hua tujhe yaad hai
-
Muddat hoy bachpan ko ’alvidah’ kiye Kaisay jawan huve! Kaisay musibaton ne ghaira tujhe yaad hai
-
Jab se pari zama-daari tujh pay Har raah nai manzil! Kathin safar tha tujhe yaad hai
-
Khabar nahi safar khaak mein kahan kahan hon mein Kahin andheray to kahin ujalay tujhe yaad hai
-
Shehar sara so raha hai magar kisi ko ehsas tak nahi Koy lipta hai dard mein to koy par sukoon! Tujhe yaad hai
-
Koy aata hai! Koy chala jata hai! Hai safar rawan dawaan Koy mizban hai! To koy mehmaan tujhe yaad hai
-
Hain rishte sabhi mafaad ke jaisay azal se chala aa raha hai Phir woh yousuf ke bhai hon! Ya ab ka bani noo insaan tujhe yaad hai
-
Hain adab ke taqazay yehi Ke bint-e hawa ki koy qader nahi tujhe yaad hai
-
Niklay thay bahar chalne ko shana bshanh To uchali gai izzat! Jaisay koy izzat apni apni nah thi tujhe yaad hai
-
Mar gaya zameer ya dar nah tha kkhuda ka Peshawar thay hum! Ya ilm adab ke faqat tajir tujhe yaad hai
-
Chaltay chaltay guzaar di yun zindagi apni Kahin khayaal tak nah aaya ke jhaank le gireybn apna tujhe yaad hai
-
Thak haar kar silwatein dull gai cheharon par Kaisay zindagi ne ik aur chairag gul kya tujhe yaad hai
-
Palak jhapakty ujaarr di apni duniya Asad Woh bastiyan jinhein basanay mein kayi zamane lagey tujhe yaad hai
Submitted by Asad Sipra
