Ghamza Nahi Hota Ke Ishara Nahi Hota
Aankh Un Se Jo Milti Hai Tu Kya Kya Nahi Hota
Jalwa Naho Maani Ka Tu Surat Ka Asar Kya
Bulbul Gul Tasweer Ka Sheeda Nahi Hota
Allah Bachaye Mar-E Ishq Se Dil Ko
Sunte Hain Ke Ye Aarza Acha Nahi Hota
Tashbeh Tere Chehre Ko Kya Dun Gul-E Tar Se
Hota Hai Shufugta Magar Itna Nahi Hota
Mein Naza Mein Hun Ayen Tu Ehsan Hai Un Ka
Lekin Ye Samajh Lein Ke Tamasha Nahi Hota
Ham Aah Bhi Karte Hai Tu Ho Jate Hain Badnam
Wo Qatal Bhi Karte Hian Tu Charcha Nahi Hota