پڑھ پڑھ کتاباں علم دیاں توں نام رکھ لیا قاضی
پڑھ پڑھ کتاباں علم دیاں توں نام رکھ لیا قاضی
ہاتھ وچ پھڑ كے تلوار نام رکھ لیا غازی
مکے مدینے گھوم آیا تے نام رکھ لیا حاجی
او بھلیا حاصل کی کیتا ؟ جے تو رب نا کیتا رضی
بلھے شاہ کی شاعری
رانجھا رانجھا کر دی ہن میں ، آپے رانجھا ہوئی
رانجھا رانجھا کر دی ہن میں ، آپے رانجھا ہوئی
سدّو نی مینوں دھیدو رانجھا ، ہیر نہ آکھو کوئی
رانجھا میں وچ ، میں رانجھے وچ ، غیر خیال نہ کوئی
میں نہیں اوہ آپ ہے اپنی آپ کرے دل جوئی
کوئی بن گیا رونق پکھیاں دی ، کوئی چھوڑ كے شیش محل چلیا
کوئی بن گیا رونق پکھیاں دی ، کوئی چھوڑ كے شیش محل چلیا
کوئی پلیا ناز تے نخریاں وچ ، کوئی ریت گرم تے تھل چلیا
کوئی بُھل گیا مقصد آون دا ، کوئی کر كے مقصد حَل چلیا
اتھے ہر کوئی فرید مسافر اے ، کوئی آج چلیا کوئی کل چلیا
بلھے نوں لوک مَتیں دیندے، توں جا بہو مسیتی
بلھے نوں لوک مَتیں دیندے، توں جا بہو مسیتی
وچ مسیتاں کِیہ کجھ ہوندا، جے دِلوں نماز نہ نیتی
باہروں پاک کیتے کیہ ہوندا، جے اندروں نا گئی پلیتی
بن مرشد کامل بلھیا، تیری اینویں گئی عبادت کیتی
چڑھدے سورج ڈھلدے ویکھے
چڑھدے سورج ڈھلدے ویکھے
بجھے دیوے بلدے دیکھے
ہیرے دا کوِئی مول نہ تارے
کھوٹے سکے چلدے ویکھے
سر تے ٹوپی تے نیت کھوٹی
سر تے ٹوپی تے نیت کھوٹی
لینا کی سر ٹوپی دھر كے
تسبیح پھری پر دِل نا پھریا
لینا کی تسبیح ہاتھ پھڑ كے
چلے کیتے پر رب نا میلیا
لینا کی چلیاں وچ وڑھ كے
بلھے شاہ جاگ بنا دودھ نئی جمدا
پانویں لال ہووے کڑھ کڑھ كے
نی میں کملی ہاں
حاجی لوک مکے نوں جاندے
میرا رانجھا ماہی مکہ
نی میں کملی ہاں
میں تے منگ رانجھے یار دی ہوئیاں
میرا بابل کردا دھکہ
نی میں کملی ہاں
رب رب کر دے بڈھے ہو گئے ، ملا پنڈت سارے
رب رب کر دے بڈھے ہو گئے ، ملا پنڈت سارے
رب دا کھوج کھرا نا لبھا ، سجدے کر کر ہارے
رب تے تیرے اندر واسدا ، وچ قرآن اشارے
بلھ شاہ رب اوہنوں ملسی جیہڑا اپنے نفس نوں مارے