Teri Baatain Hi Sunane Aye

ahmad-faraz-ghazal

Teri Baatain Hi Sunane Aye
Dost Bhi Dil Hi Dukhane Aye

Phol Khilte Hain Tu Ham Sochte Hain
Tere Aane Ke Zamane Aye

Aesi Kuch Chup Si Lagi Hai Jese
Ham Tuje Haal Sunane Aye

Ishq Tanha Hai Sar-e Manzil Gham
Kon Ye Bojh Uthane Aye

Ajnabi Dost Hamain Dekh Keh Ham
Kuch Tuje Yaad Dilane Aye

Dil Darhakta Hai Safar Ke Hangam
Kash Phir Koi Bulane Aye

Ab Tu Rone Se Bhi Dil Dukhta Hai
Shayad Ab Hosh Thikane Aye

Kya Kahin Phir Koi Basti Ujri
Log Kyun Jashan Manane Aye

So Raho Moat Ke Pehlo Me Faraz
Neend Kis Waqt Na Jane Aye

Leave a comment: