Koi nai chout phir se khao! Udaas logo
Kaha tha kis ne, ke muskuraao! Udas logo
Guzr rahi hain gali se, phir maatami hawae
Kiwar kholo, diye bujhaao! Udas logo
Jo raat maqtal mein baal khole utar rahi thi
Woh raat kaisi rahi, sunaaoo! Udas logo
Kahan talak, baam o dar cheraghan kiye rakho ge
Bicharne walon ko, bhool jao! Udas logo
Ujaar jungle, darii fiza, hanpti hawae
Yahin kahin bastiyan basao! Udas logo
Yeh kis ne sehmi hui fiza mein hamein puraka
Yeh kis ne aawaz di, ke aao! Udas logo
Yeh jaan gunwanay ki ruut yuhin raaygan nah jaye
Sar-e sinaan, koi sir sajao! Udas logo
Usi ki baton se hi tabiyat sambhal sakay gi
Kahin se mohsin ko dhoond lao! Udas logo