The ghazal
Read it in Urdu script-
Khula hai jhoot ka bazaar, ao sach bolein Nah ho bulaa se khredar, ao sach bolein
-
Sukut chaaya hai insaaniyat ki qadron par Yahi hai mauqa izhaar, ao sach bolein
-
Hamein gawah banaya hai waqt ne apna Banam azmat kirdaar, ao sach bolein
-
Suna hai waqt ka haakim bara hi munsif hai Pukaar kar sar-e darbaar, ao sach bolein
-
Tamam shehar mein aik bhi nahi mansoor Kahin ge kya rasan o daar, ao sach bolein
-
Jo wasf hum mein nahi kyun karen kisi mein talaash Agar zameer hai bedaar, ao sach bolein
-
Chupaye se kahin chaptay hain daagh cheharon ke Nazar hai aaina bardaar, ao sach bolein
-
Qateel jin pay sada patharon ko pyar aaya Kidhar gaye woh gunah-gaar, ao sach bolein
Submitted by iqbal designs
