The ghazal
Read it in Urdu script-
Arz-o-sama kahan tiri wusat ko pa sake Mera hi dil hai wo ki jahan tu sama sake
-
Wahdat mein teri harf dui ka na aa sake Aayeena kya majal tujhe munh dikha sake
-
Main wo fatada hoon ki baghair-az-fana mujhe Naqsh-e-qadam ki tarah na koi utha sake
-
Qasid nahin ye kaam tira apni raah le Us ka payam dil ke siwa kaun la sake
-
Ghafil khuda ki yaad pe mat bhool zeenhar Apne taeen bhula de agar tu bhula sake
-
Ya-rab ye kya tilism hai idrak-o-fahm yaan Daure hazar aap se bahar na ja sake
-
Go bahs kar ke baat bithai bhi kya husool Dil se utha ghilaf agar tu utha sake
-
Itfa-e-nar-e-ishq na ho aab-e-ashk se Ye aag wo nahin jise paani bujha sake
-
Mast-e-sharab-e-ishq wo be-khud hai jis ko hashr Ai 'dard' chahe laaye ba-khud par na la sake


