Yuhin to nahi mujhko hain mehboob yeh aansu
Sada rehtay hain tairay hijar se mansoob yeh aansu
Mey se bhi kahin barh kar, mujhe makhmoor rakhtay hain
Pasandeeda hai un dinon mera mashroob yeh aansu
Tumhare zikar ho to raaz saaray khol dete hain
Meri aankhon mein rehtay hain, kahan mjzob yeh aansu
Kisi ki raah ko taktey, jab ankhen khushk ho jayen
To le jana mujh se tum, jo hon matloob yeh aansu
Nahi yeh raigaan jatay, agar dil se bahaye hon
Sikhate hain ishaaqo ko bohat usloob yeh aansu
Haawi ab yeh socha hai, ke behnay dun nah aankhon se
Dhaal kar shairoon mein unko, karoon maktoob yeh aansu
