Skip to content
SadPoetry
EN
Patta patta boota boota haal hamara jaane hai — Mir Taqi Mir

Patta patta boota boota haal hamara jaane hai

Mir Taqi Mir Ghazal 10 couplets
  1. Patta patta boota boota haal hamara jaane hai Jaane na jaane gul hi na jaane baagh to saara jaane hai

  2. Lagne na de bas ho to us ke gauhar-e-gosh ko baale tak Us ko falak chashm-e-mah-o-khur ki putli ka taara jaane hai

  3. Aage us mutakabbir ke ham khuda khuda kiya karte hain Kab maujood khuda ko wo maghroor-e-khud-aara jaane hai

  4. Aashiq sa to saada koi aur na hoga duniya mein Ji ke ziyan ko ishq mein us ke apna waara jaane hai

  5. Charagari beemari-e-dil ki rasm-e-shahr-e-husn nahin Warna dilbar-e-nadan bhi is dard ka chara jaane hai

  6. Kya hi shikar-farebi par maghroor hai wo sayyad bacha Taair urte hawa mein saare apne asara jaane hai

  7. Mehr o wafa o lutf-o-inayat ek se waqif in mein nahin Aur to sab kuchh tanz o kinaya ramz o ishara jaane hai

  8. Kya kya fitne sar par us ke laata hai mashooq apna Jis be-dil be-tab-o-tawan ko ishq ka maara jaane hai

  9. Rakhnon se deewar-e-chaman ke munh ko le hai chhupa ya'ni In soorakhon ke tuk rahne ko sau ka nazara jaane hai

  10. Tishna-e-khun hai apna kitna 'mir' bhi nadan talkhi-kash Dam-dar aab-e-tegh ko us ke aab-e-gawara jaane hai

Report a mistake

More by Mir Taqi Mir

All poems