Koi Yeh Kaisay Bataye Ke Wo Tanha Kyun Hai
Woh Jo Apna Tha Wohi Aur Kisi Ka Kyun Hai
Yahi Duniya Hai To Phir Aisi Yeh Duniya Kyun Hai
Yahi Hota Hai To Aakhir Yahi Hota Kyun Hai
Ik Zara Haath Barha Den To Pakar Len Daman
Un Ke Seenay Mein Sama Jaye Hamari Dharkan
Itni Qurbat Hai To Phir Faasla Itna Kyun Hai
Dil Barbaad Se Nikla Nahi Ab Taq Koi
Is Lutte Ghar Pay Diya Karta Hai Dastak Koi
Aas Jo Toot Gayi Phir Se Bandhta Kyun Hai
Tum Musarrat Ka Kaho Ya Usay Gham Ka Rishta
Kehte Hain Pyar Ka Rishta Hai Janam Ka Rishta
Hai Janam Ka Jo Yeh Rishta To Badalta Kyun Hai
Koi Yeh Kaisay Bataye Ke Wo Tanha Kyun Hai
