Ae naye saal bta, tujh mein naya pan kya hai ?
Har taraf khalq ny kyun shoar macha rakha hai
Roshni din ki wohi taron bhari raat wohi
Aaj hum ko nazar aati hai har aik baat wohi
Aasman badla hai afsos, na badli hai zamee
Aik hindsay ka badalna koi jiddat to nahi
Aglay barson ki terhan hon ge qareene tairay
Kisay maloom nahi baara mahinay tairay
January , february aur march mein parre gi sardi
Aur april , may aur june mein ho gi garmi
Tera mann deher mein kuch khoye ga kuch paye ga
Apni meyaad basar kar ke chala jaye ga
To naya hai to dikha subah nai, shaam nai
Warna inn aankhon ny dekhey hain naye saal kayi
Be sabab log dete hain kyun mubarak badin
Ghaliban bhool gaye waqt ki karvi yaaden
Teri aamad se ghatti umar jahan se sab ki
Faiz ny likhi hai yeh nazam nirale dhab ki
