Roz Taaron Ko Numaish Mein Khalal Parta Hai

roz taaron ko rahat indori

Roz Taaron Ko Numaish Mein Khalal Parta Hai
Chand Pagal Hai Andheray Mein Nikal Parta Ha

Aik Dewana Musafir Hai Meri Aankhon Mein
Waqt Be Waqt Thehrta Hai Chal Parta Hai

Apni Tabeer Ke Chakar Mein Mera Jagta Khwab
Roz Suraj Ki Tarah Ghar Se Nikal Parta Hai

Roz Pathar Ki Hamayat Mein Ghazal Likhte Hain
Roz Sheshon Se Koi Kaam Nikal Parta Hai

Us Ki Yaad Ayi Hai Saanson Zara Aahista Chalo
Dharkno Se Bi Ibadat Mein Khalal Parta Hai